คอร์ด เนื้อเพลง นาแล้งแต่งบ่ได้ เอกรวี ธีระพันธ์ Chordza

"

คอร์ด เนื้อเพลง นาแล้งแต่งบ่ได้ เอกรวี ธีระพันธ์ Chordza

นากะแล้ง หาเงินไปแต่งบ่ไหว
ราคาข้าวที่หวังไว้ ถืกหลายจนอ้ายอ่อนแฮง
เศรษฐกิจแย่ ฮักเฮาอย่าฟ้าว แพ้เด้อคำแพง
ฝนแล้งแต่ใจอย่าแห้ง ฮักแพงเอาไว้เด้อหล่า

…ให้คองให้ถ่า อย่าฟ้าวมีคนใหม่
ถ้าสองเฮาฮักกันด้วยใจ ผูกแขนป้อนไข่บ่เกินปีหน้า
ปีนี้สู้แล้ว อ้ายเฮ็ดบ่ได้คือคำสัญญา
หลูโตนอ้ายแหน่เด้อหล้า ฝนถิ่มนาเจ้าอย่าถิ่มกัน…

…ผูกแขนเอิ้นขวัญ จั่งตกลงกันมื้อใหม่
มื้อสันต์วันดีป้อนไข่ ค่าดองนัดไว้อ้ายหาบ่ทัน
ทุกอย่างมันแย่ ที่บ่ยอมแพ้เพราะเจ้าเท่านั้น
บอกผู้เฒ่าให้เข้าใจกัน สิเฮ็ดคือคำมั่นถ้าฟ้าเห็นใจ…

…มื้อดีนัดไว้ ขอเลื่อนออกไปอีกปี
นาแล้งเงินแห้งอี่หลี ปีนี้คงแต่งบ่ได้
ถ่าแหน่เด้อ แฟนอ้ายอย่าฟ้าวถอดใจ
ฝนดีปีหน้าฟ้าใหม่ คงได้สวมแหวน ผูกแขนกินดอง

คอร์ด เนื้อเพลง คิดฮอดเด เอกรวี ธีระพันธ์ Chordza

"

คอร์ด เนื้อเพลง คิดฮอดเด เอกรวี ธีระพันธ์ Chordza

ลมพัดจ้าว อยู่กลางดงตึกใหญ่
ใจมันฮำไฮ ฮำฮอน คึดนำบ้าน
ยากนำเงินคำ เช้าค่ำอยู่กับงาน
สู้มานมนาน ความจนยังวน อยู่รอบกาย

ลมพัดต้อง คึดฮอดท้องทุ่งนา
โอ้น้อโชคชะตา พัดพาให้จากไกล
ดิ้นรนสู้ มื้อได๋เด้ สิได้กลับไป
เหลียวขึ้นฟ้ายามได๋ น้ำตามันไหลหย่าว

..คึดฮอดเด้ คึดฮอดบ้าน
คนคอยอยู่เฮือนซาน ฮำฮอนนำอยู่บ่เซา
จักยามได๋น้อ สิร่ำรวยคือเขา
อยากคืนเมือบ้านเฮา โอ้ยคิดฮอดคิดฮอดเด

ผญา
…บ่อยากไกลจากพี่น้อง บ่อยากห่างไกลนา
บ่อยากลาเฮือนซาน ย้อนความจนมาต้อง
น้ำตานองไห้กั้น เมื่อยป่านได๋…กะทนอยู่
สู้เพื่อคนอยู่…บ้าน หลายปากท้อง.ได้อิ่มกัน ท่อนั้นแหล่ว ...

ลมพัดจ้าว อยู่กลางดงตึกใหญ่
ใจมันฮำไฮ ฮำฮอน คึดนำบ้าน
ยากนำเงินคำ เช้าค่ำอยู่กับงาน
สู้มานมนาน ความจนยังวน อยู่รอบกาย

ลมพัดต้อง คึดฮอดท้องทุ่งนา
โอ้น้อโชคชะตา พัดพาให้จากไกล
ดิ้นรนสู้ มื้อได๋เด้ สิได้กลับไป
เหลียวขึ้นฟ้ายามได๋ น้ำตามันไหลหย่าว

..คึดฮอดเด้ คึดฮอดบ้าน
คนคอยอยู่เฮือนซาน ฮำฮอนนำอยู่บ่เซา
จักยามได๋น้อ สิร่ำรวยคือเขา
อยากคืนเมือบ้านเฮา โอ้ยคิดฮอดคิดฮอดเด

จักยามได๋น้อ.....สิร่ำรวยคือเขา
อยากคืนเมือบ้านเฮา โอ้ยคิดฮอดคิดฮอดเด

คอร์ด เนื้อเพลง คืนเมือ เอกรวี ธีระพันธ์ Chordza

"

คอร์ด เนื้อเพลง คืนเมือ เอกรวี ธีระพันธ์ Chordza

ครอบครัว ยังคองทาง
คืนสานาง คืนบ้านเฮา
หากเมื่อยล้า อยู่บ้านเขา
ผืนดินถิ่นเก่า ถ่าเจ้ามายาม..

คันแทนา ถ่าเจ้ามาเทียว
มาปั้นข้าวเหนียว บ่ายบักขาม
คุ้ยป่นกุ๊ดจี่ แจ่วดองดอกก่าม
มีกินทุกยาม ที่บ้านเฮา

บ่ต้องซื้อ บ่ต้องจ่าย บ่ต้องอด
บ่ต้องงดแนวอยากกิน คือถิ่นเขา
เช้าส่งแกง แลงส่งป่น คนบ้านเฮา
ขอกันเอา เว่ากันง่าย น้ำใจบ่แพง

กลับมา พักสาก่อนบัดยามท้อ
เติมความฮักจากแม่พ่อ ให้ใจแกร่ง
มื้อนี้ท้อมื้ออื่นสู้ใหม่ หมู่เฮาคนขายแฮง
ทุกเช้าแลง มีคนถ่า หล่าคืนเมือ

บ่ต้องซื้อ บ่ต้องจ่าย บ่ต้องอด
บ่ต้องงดแนวอยากกิน คือถิ่นเขา
เช้าส่งแกง แลงส่งป่น คนบ้านเฮา
ขอกันเอา เว่ากันง่าย น้ำใจบ่แพง

กลับมา พักสาก่อนบัดยามท้อ
เติมความฮักจากแม่พ่อ ให้ใจแกร่ง
มื้อนี้ท้อมื้ออื่นสู้ใหม่ หมู่เฮาคนขายแฮง
ทุกเช้าแลง มีคนถ่า หล่าคืนเมือ

ออย อยู่หม่องใด๋ กะบ่คืออยู่บ้าน
คนบ้านเฮาเว่ากันง่าย บ่อดตายดอกพี่น้อง
อย่าลืมเด้อ แม่นถิ่นเนา แม่นถิ่นเนา
เด้อละคำ ออย อ๋อย ละนา

คอร์ด เนื้อเพลง ไม่ต้องเอ่ยคำลา เอกรวี ธีระพันธ์ Chordza

คอร์ด เนื้อเพลง ไม่ต้องเอ่ยคำลา เอกรวี ธีระพันธ์ Chordza
คอร์ด ไม่ต้องเอ่ยคำลา เอกรวี ธีระพันธ์ | เนื้อเพลง ไม่ต้องเอ่ยคำลา เอกรวี ธีระพันธ์ | Chord ไม่ต้องเอ่ยคำลา เอกรวี ธีระพันธ์